Hakerët rusë kanë sulmuar faqet e institucioneve të Kosovës, të cilat gjatë ditës nuk kanë qenë në funksion. Cak i sulmeve kanë qenë faqja e Presidencës dhe Kryeministrisë, të cilat edhe janë rikthyer shpejt në funksion.
Këto faqe janë sulmuar, siç ka njoftuar për RTKLive, ministri i Mbrojtjes, Ejup Maqedonci, pas deklaratave që ai i ka dhënë kundër Rusisë.
“Ky grup i hakerëve rus ka zhvilluar sulm kibernetik kundër Kosovës si hakmarrje ndaj deklaratës time në mbështetje të Ukrainës”, ka deklaruar Maqedonci, i cili ka qëndruar në Poloni në Konferencën e mbrojtjes "Defense 24".
Në reagimin e hakerëve rusë përmendet fjalimi i ministrit Maqedonci, i cili ka thënë, sipas tyre, se
“Kosova është e gatshme t’i ofrojë ndihmë ushtarake Ukrainës”.
“Kosova është e gatshme t’i bashkojë përpjekjet kolektive për të mbështetur mbrojtjen e Ukrainës. Ata duhet të mendojnë më shumë për këtë...”, kanë shkruar rusisht këta hakera duke përmendur ministrin Maqedonci.
-
Ekspertët paralajmërojnë vijim sulmesh kibernetike nga Serbia e Rusia
-
Hakerët prorusë sulmojnë uebfaqet qeveritare italiane pas deklaratave të presidentit
-
Maqedonci: Strukturat serbe të sigurisë po i mbështesin grupet terroriste
-
Uebfaqja e Qeverisë së Ukrainës goditet nga një sulm kibernetik
-
Maqedonci: Vuçiqi po e zvarritë dialogun për ta pritur përfundimin e luftës në Ukrainë