Deputetja e Lëvizjes Vetëvendosje, Rozeta Hajdari, ka kundërshtuar kërkesën e Lidhjes Demokratike të Kosovës për uljen e akcizës dhe TVSH-së për naftën, duke e cilësuar këtë propozim si ekonomikisht të papërgjegjshëm dhe politikisht populist.
Në seancën e jashtëzakonshme të Kuvendit të premten ku po diskutohet për rritjen e çmimeve të naftës, ajo ka thënë se ulja e të hyrave publike pa një plan të qartë se si do të kompensohen ato do të ndikonte drejtpërdrejt në buxhetin e shtetit, duke rrezikuar financimin e pagave për mësuesit, mjekët, investimet publike dhe mbështetjen për familjet dhe bizneset.
Hajdari theksoi se rritja e çmimit të naftës është pasojë e inflacionit dhe krizave gjeopolitike, ndërsa pyeti nëse vendi është i gatshëm të shkurtojë shërbimet publike për një masë që, sipas saj, nuk garanton ulje reale të çmimeve të naftës.
Ajo shtoi se me qeverisjen aktuale janë ndërmarrë masa për formalizimin e tregut të naftës, evitimin e kostove të panevojshme dhe rritjen e transparencës, të cilat sipas saj kanë efekt real dhe afatgjatë në treg.
“Ne si Grup Parlamentar me qeverisjen tonë kemi ndërhyrë aty ku duhet, kemi formalizuar tregun e naftës, kemi evituar kostot e panevojshëm dhe kemi rritur transparencën. Këto masa janë efekt real dhe afatgjatë”, ka thënë Hajdari.
S’ka kuorum për rezolutën e LDK-së për çmimin e naftës
-
LDK-ja kërkon ulje të akcizës dhe TVSH-së për naftën, si dhe subvencionim për sektorët e ndjeshëm
-
Hamza: Qeveria po sillet si vëzhguese pasive e gjendjes ekonomike
-
Tahiri i përgjigjet Hajdarit: Ulja e TVSH-së nuk do të kishte efekt në buxhetin e shtetit
-
Çmimi i naftës shkon në 1.79 euro, Qeveria s’e ka opsion heqjen as të TVSH-së e as akcizës
-
Hoti kritikon Qeverinë: Rritja e çmimit të energjisë dhe naftës po rëndon qytetarët