Presidenti i Kosovës, Hashim Thaçi, mbrëmjen e sotme priti në një darkë pune të dërguarin e Posaçëm të SHBA-së për dialogun Kosovë-Serbi, Richard Grenell.
Të dy folën për arsyen e këtij takimi, duke thënë se nuk do të diskutojnë për çështje lokale politike, por për dialogun me Serbinë.
Thaçi, ndërkaq, pas takimit shkroi një status në Twitter, ku e falënderoi Grenellin për takimin.
Por, ndonëse reagimi i Grenellit ishte i shkurtër, la një mesazh të qartë – heqjen e taksës ndaj mallrave serbe.
“Kisha një takim të frytshëm me Richard Grenellin për të diskutuar rreth dialogut mes Kosovës dhe Serbisë. E falënderova atë për këtë vizitë dhe përkushtim në këtë proces. Theksova urgjencën për vazhdimin e dialogut dhe se roli i presidentit Donald Trump në arritjen e marrëveshjes përfundimtare është i domosdoshëm”, shkroi Thaçi në Twitter, raporton Koha.net.
E duke iu përgjigjur komentit të Thaçit, Ambasadori amerikan në Gjermani, i dërguar special i Trumpit për dialogun Kosovë - Serbisë, tha se këtu duhet të përfshihet edhe “heqja e tarifave” ndaj mallrave serbe.
Edhe
Serbia nis Dialogun Strategjik me SHBA-në - rundi i parë të premten
“Faleminderit zotëri President. Duhet të bëjmë progres – i cili përfshin heqjen e tarifave”, ka komentuar Grenell.
Në adresimin e tyre mediave para nisjes së takimit, asnjëri nga ta nuk e përmendi heqjen e taksës, mirëpo Grenell tha se është i interesuar që të ketë zhvillim ekonomik në të dyja vendet.
-
Vuçiqi thotë se përkrahja për SHBA-në në Serbi është rritur gjatë mandatit të Trumpit
-
Integrimi në BE e aktualiteti politik në Kosovë – çështjet që u diskutuan mes Kurtit e Sorensenin
-
Thaçi pyetet për shkëmbimin e territoreve: Qëllimi ishte paqja e qëndrueshme
-
Vuçiq: Vetëm përmes dialogut mund të zgjidhen çështjet e hapura me Kosovën