Presidenti i Kosovës, Hashim Thaçi, ka reaguar pas postimit të të dërguarit të posaçëm për dialogun Kosovë-Serbi, Richard Grenell, se palët do të ftohen më 27 qershor në Washington.
Ai duke shpërndarë postimin e Grenellit në Twitter, ka thënë se e mirëpret ftesën për të rifilluar dialogun.
Sipas tij, udhëheqja dhe mbështetja amerikane ka qenë gjithmonë vendimtare për të ardhmen e Kosovës.
“Udhëheqja dhe mbështetja amerikane kanë qenë gjithmonë vendimtare për të ardhmen e prosperuar të Kosovës. Prandaj, unë mirëpres ftesën për të rifilluar dialogun për normalizimin e marrëdhënieve nën udhëheqjen e Presidentit Donald Trump dhe emisarit Richard Grenell”, ka thënë ai.
Derisa përmes një postimi në Facebook, Thaçi, ka shkruar se Kosova është e gatshme për të arritur marrëveshje historike paqësore me Serbinë, njohje reciproke dhe vendosje të marrëdhënieve diplomatike.
Edhe
Grenelli u gëzohet zgjedhjeve të reja: Zoti po na përgatit për rikthimin e Thaçit
“Tani i takon institucioneve të Republikës së Kosovës që të tregojnë mençuri dhe maturi në ndërtimin e unitetit dhe koordinimit me partnerët tanë strategjikë dhe të përkushtohemi që ta përmbyllim me sukses këtë proces”, ka shkruar ai.
U.S. leadership & support has always been decisive for the prosperous future of Kosova. Therefore, I welcome the invitation to resume the dialogue on normalization of relations under the leadership of President @realDonaldTrump’s SE @RichardGrenell.
— Hashim Thaçi (@HashimThaciRKS) June 15, 2020
