Mbështete KOHËN. Ruaje të vërtetën
Arbëri

Gjyqtari: Pretendohet se Thaçi organizoi tri grupe për pengim të drejtësisë

Hashim Tahci

Në Dhomat e Specializuara të Kosovës ka filluar seance e shpalljes së aktgjykimit ndaj Hashim Thaçit, Bashkim Smakajt, Fadil Fazliut, Isni Kilajt dhe Hajredin Kuçit në rastin në të cilin akuzohen për vepra penale kundër administrimit të drejtësisë.

Gjyqtari i vetëm, Christopher Gosnell gjatë shqiptimit të përmbledhjes së aktgjykimit tha se Thaçi, Smakaj, Fadil Fazliu, Isni Kilaj dhe Kuçi akuzohen për vepra penale kundër administrimit të drejtësisë dhe rendit publik në kuadër të një çështje tjetër gjyqësore në të cilën Thaçi ishte i pandehur.

Sipas Gosnell, Thaçi pretendohet se organizoi tri grupe me Fazliun, Smakajn dhe Kilajn gjatë vizitave të këtyre të fundit në Hagë gjatë 2023-ës.

“Thuhet se secili prej grupeve do të përcillte udhëzime nga një dëshmitari, ndërsa për Thaçin ndër tjerash thuhet se shpalosi informacionin konfidencial për vizitorët e tij, kështu duke shkelur fshehtësinë e gjykatës”, tha Gosnell.

Ai ka thënë se dëshmitë e nëntë dëshmitarëve u dëgjuan ose u pranuan gjatë gjykimit.

“Tre nga Prokuroria dhe gjashtë nga mbrojtja. Provat e pranuara përfshinin audio incizime, të dhëna telekomunikimi dhe mesazhe, të dhëna kompjuteri dhe printeri në objektin e paraburgimit”, ka theksuar Gosnell.

Edhe Nis seanca ndaj Thaçit dhe të tjerëve për “pengim të drejtësisë” Arbëri Nis seanca ndaj Thaçit dhe të tjerëve për “pengim të drejtësisë”

“Gjithsej 241 prova material të Prokurorisë dhe 163 prova material të mbrojtjes u pranuan si prova. Provat kryesore në këtë çështje janë audio incizimet e 5 vizitave mes z. Thaçit dhe të bashkë të akuzuarve të tij në objektin e paraburgimit. Këto audio inicime u autorizuan nga Gjykata”, ka shtuar Gosnell.

Ai gjithashtu ka thënë se mbrojtja kundërshton fuqimisht mbështetshmërinë në transkriptimin dhe përkthimin e këtyre audio incizimeve.

Lexo përditësimet tjera
hashim thaci speciale

Nis seanca ndaj Thaçit dhe të tjerëve për “pengim të drejtësisë”

Sot në Dhomat e Specializuara të Kosovës në Hagë ka nisur të mbahet seanca ndaj ish-presidentit...