Prizren, 26 korrik – Drejtoria e Inspektorateve të Komunës së Prizrenit, të enjten, nuk ka vazhduar aksionin për rrënimin e tejkalimit në ndërtim në qendrën tregtare “Abi Çarshia”.
Zyrtarët e këtij dikasteri kanë theksuar se 15 minuta para nisjes së ekzekutimit të aktvendimit për rrënim, kanë pranuar aktvendimin e Gjykatës Themelore të Prizrenit për caktimin e masës së përkohshme për sigurim, me të cilin i është ndaluar Komunës që të ndërmarrë veprime për rrënim në “Abi Çarshi”, shkruan sot Koha Ditore.
Gjykata Themelore e Prizrenit gjithashtu ka njoftuar mediet për caktimin e kësaj mase të përkohshme. Në anën tjetër, avokatët e “Abi Çarshisë” kanë shprehur mirënjohje për veprimin e organeve të drejtësisë dhe kanë përsëritur qëndrimin se veprimet e Komunës së Prizrenit lidhur me këtë çështje kanë qenë të ngutshme dhe kundërligjore.
Në mesditë, makineritë për rrënim kanë ndaluar afër “Abi Carshisë”. Por ato nuk janë vënë në veprim.
(Gjerësisht, sot në "Kohën Ditore")
-
Nuk rrënohet njëra pjesë e “Abi Çarshisë”
-
Vendimi i MMPH-së ia ndalon Komunës së Prizrenit rrënimin e “Abi Çarshisë”
-
Gjykata e ndalon rrënimin në “Abi Çarshi”, nisin hetime kundër zyrtarëve komunalë
-
Inspektorati në Prizren s’ka vendim me shkrim nga Prokuroria për çështjen “Abi Çarshia”
-
Prokuroria fton Komunën të përmbahet nga rrënimi në “Abi Çarshi”