Kabineti federal i Gjermanisë ka vendosur që t’ia zgjasë edhe për një vit mandatin ushtarëve që shërbejnë në Kosovë, ka njoftuar Forca e Armatosur (Bundeswehr) të mërkurën. Tash mbetet në dorë të Bundestagut për ta aprovuar kërkesën.
Për shkak të tensioneve mes Kosovës dhe Serbisë, sipas njoftimit, kabineti i drejtuar nga kancelari Olaf Scholz ka vendosur që ta zgjasë mandatin e ushtarëve gjermanë të KFOR-it edhe për një vit.
Aktualisht, Gjermania është prezentë me 290 ushtarë. Numri u rrit pas tensioneve në maj të vitit të kaluar në veri të Kosovës. 210 ushtarë gjermanë i përkasin Komandës Rajonale Perëndimore, e cila është trajnuar për të kontrolluar trazirat.
Kabineti i Scholzit ka vendosur që kufiri i personelit që mund të dislokohet në Kosovë të jetë 400 ushtarë.
Në total, në Kosovë shërbejnë rreth 4800 ushtarë nga 28 vende anëtare të NATO-s.
-
Zvicra i thotë po rritjes së numrit të ushtarëve në KFOR
-
Gjermania vazhdon mandatin në KFOR
-
Shumica e Bundestagut përkrah zgjatjen e mandatit të KFOR-it
-
Komandanti i KFOR-it njofton Beogradin për reduktimin e trupave në Kosovë pas përmirësimit të gjendjes
-
Rutte: Lajm i mirë që po zvogëlojmë praninë e trupave të NATO-s në Kosovë