Kryeministri i Kosovës, Ramush Haradinaj, ka pritur delegacionin gjerman të kryesuar nga zëvendës presidenti i Parlamentit Evropian, Rainer Wieland, me të cilët ka biseduar rreth zhvillimeve të fundit politike në vend dhe rajon si dhe për mundësinë e rritjes së bashkëpunimit ndërmjet dy vendeve tona.
Haradinaj i ka njoftuar ata prioritetet e Qeverisë, trasnemton Koha.net.
Ndër temat e takimit ishte edhe liberalizimi i vizave, rruga euroatlantike e Kosovës, forcimi i subjektivitetit ndërkombëtar të shtetit të Kosovës, si dhe arritja e një marrëveshjeje finale, ndërmjet Republikës së Kosovë dhe Serbisë, ligjërisht obliguese që rezulton me njohje reciproke ndërmjet dy vendeve, e cila do t'i kontribuonte stabilitetit rajonal dhe do t'i hapte perspektivë të dyja vendeve në rrugën e integrimeve evropiane.
Ai e ka falënderuar Wieland dhe shtetin e Gjermanisë për përkrahjen e vazhdueshme që i kanë dhënë dhe vazhdojnë t’i japin Kosovë.
Zëvendëspresidenti i Parlamentit Evropian, Rainer Wieland, dhe delegacioni gjerman vlerësuan bashkëpunimin ndërmjet dy vendeve tona duke thënë se Gjermania do të vazhdojë përkrahjen e Kosovës në aspektin ekonomik dhe perspektivën e saj euroatlantike.