Kryeministri i Republikës së Kosovës, Ramush Haradinaj, ka pritur në takim drejtorin për Ballkan në Ministrinë e Jashtme të Gjermanisë, Christian Helbach, me të cilin ka biseduar për proceset nëpër të cilat po kalon Kosova, progresin e bërë në shtetndërtimin e vendit, si dhe për perspektivën evropiane dhe euroatlantike të Kosovës.
Kryeministri Haradinaj tha se gjatë takimit është diskutuar takimi me Kancelaren Merkel, kërkesa e Kosovës për mbështetjen e Gjermanisë në liberalizimin e vizave, procesi i dialogimit me Serbinë, nevoja për kornizimin e këtij dialogu dhe fuqizimi i partneritetit politik me Gjermaninë.
Haradinaj falënderoi Gjermaninë për përkrahjen që i ka dhënë Kosovës si në aspektin ushtarak, në atë ekonomik, të ndërtimit të jetës politike, e po ashtu edhe në perspektivën evropiane dhe euroatlantike të Kosovës.
Kryeministri Haradinaj theksoi se Gjermania mbetet një ndër partnerët kryesor strategjik të Kosovës, duke shprehur përkushtimin e Qeverisë së Kosovës për të thelluar bashkëpunimin ndërmjet dy vendeve.
-
Gjermania shprehet e gatshme të kontribuojë në marrëveshjen finale mes Kosovës dhe Serbisë
-
Stublla shpalos pritjet e kosovarëve nga Gjermania për liberalizim
-
Haradinaj-Stublla: Gjermania partnerja kryesore e Kosovës në BE
-
Haradinaj: Të gjitha kushtet për liberalizim i kemi plotësuar
-
Haradinaj: Qëndrimi i Gjermanisë për mosndryshim të kufijve është tejet i rëndësishëm