Ministrja në detyrë e Punëve të Jashtme, Donika Gërvalla, bashkë me pesë homologët nga vendet e Ballkanit Perëndimor të dielën do të mbajnë darkë joformale me përfaqësuesen e Lartë për Politikën e Jashtme dhe Sigurinë të Bashkimit Evropian, Kaja Kallas dhe ministrat e Jashtëm të bllokut.
Darka do të mbahet në margjinat e mbledhjes së Këshillit të Punëve të Jashtme të BE-së, që do të zhvillohet në Luksemburg.
Kallasi ndërkohë të hënën në takim me ministrat e Jashtëm të BE-së do t’i informojë mbi zhvillimet e fundit në dialogun Prishtinë - Beograd.
Gjithashtu, ajo do t’i njoftojë ministrat edhe për vizitën që e pati në Shqipëri, Mal të Zi dhe Bosnjë-Hercegovinë.
“Gjatë një dreke pune, Këshilli do të shkëmbejë mendime mbi marrëdhëniet e BE-së me Ballkanin Perëndimor, duke u fokusuar në mënyrën se si të rritet më tej bashkëpunimi i sigurisë dhe mbrojtjes përballë sfidave dhe si të promovohet stabiliteti dhe siguria rajonale”, thuhet më tej në njoftimin e BE-së.
Në këtë mbledhje do të diskutohet edhe situata në Ukrainë e Lindje të Mesme.
-
Qeveria thotë se ka pak shanse për një takim të shpejtë me Serbinë
-
Kallas do ta takojë Kurtin sonte në një darkë pune
-
Gërvalla: Dialogu duhet të çojë në njohjen reciproke, BE-ja të bëjë veprime ndaj Serbisë
-
Borrelli takon kryediplomatët e Ballkanit Perëndimor, Gërvalla lobon për anëtarësim
-
Mblidhen ministrat e BE-së dhe Ballkanit Perëndimor, në fokus dialogu Kosovë-Serbi