Ministrja e Punëve të Jashtme dhe Diasporës, Donika Gërvalla, ka ngatërruar stërnipin e heroit Isa Boletini, Gazmendin, me kryetarin e Komunës së Zveçanit, Ilir Peci, gjatë vizitës me zyrtarë të tjerë qeveritarë në Boletin të Zveçanit.
Gjatë vizitës të enjten për shënim të Ditës së Flamurit, ajo i është referuar Gazmend Boletinit me “kryetar”.
“Mirëmëngjes kryetar”, i referohet ajo.
Por përgjigja e Boletinit ishte e shpejt. “Nuk jam kryetari. Unë jam stërnipi i Isa Boletinit”, u përgjigj ai.
Pas kësaj, Gërvalla kërkon falje, ndërsa Boletini e njofton se kryetari Peci ndodhet brenda.