Gazetarëve u kufizohet sërish hapësira në Kuvend

Në pjesën e mediave në hapësirat e Kuvendit të Kosovës, për të dytën ditë radhazi, është vendosur një shirit, duke i zhvendosur gazetarët dhe kameramanët të cilët përcjellin punën e këtij institucioni, më prapa.

Kuvendi është arsyetuar se ka vendosur shiritin për shkaqe sigurie.

Na ballkonin e Kuvendit, nga ku mundësohet pamja e plotë e sallës së seancave, janë vendosur rregullisht ekipet e gazetarëve që kanë përcjellë seancat. Ajo është hapësira e vetme nga e cila gazetarët mund t’i përcjellin punimet e Kuvendit.

Shtyrja prapa e ekipeve, kufizon pamjen e plotë të sallës së seancave.

Për veprimin e njëjtë gjatë ditës së djeshme, gazetarët bojkotuan seancën.