Asociacioni i Gazetarëve të Kosovës (AGK) ka kundërshtuar kufizimin e hapësirës së punës për mediat në Kuvend, duke thënë se ky vendim vështirëson raportimin profesional dhe të plotë.
Nëpërmjet Facebookut, AGK-ja tha se vendimi i Kuvendit për medias nuk i kontribuon transparencës për punën e deputetëve, derisa i ka bërë thirrje që të marrë masa për të lehtësuar punën.
“Gazetarët, kameramanët dhe fotoreporterët që raportojnë nga Kuvendi i Kosovës kanë njoftuar se në seancën e së enjtes, janë ballafaquar me kufizim të dukshëm të kryerjes së detyrave nga hapësira e Kuvendit të Kosovës. Në hapësirën lart prej nga mediet raportojnë është vendosur një shirit që u pamundëson medieve të marrin pamjen e plotë të Kuvendit dhe deputetëve. AGK-ja e kundërshton fuqishëm këtë vendim, që ka për tentim vështirësimin e raportimit profesional dhe të plotë nga Kuvendi”, thuhet në njoftim.
Për shkak të këtij vendimi, gazetarët janë larguar nga punimet e Kuvendit, derisa seanca po mbahet.
-
Gazetarëve u kufizohet sërish hapësira në Kuvend
-
AGK-ja: Fushatë e pandalshme e Qeverisë dhe VV-së për delegjitimim të punës së gazetarëve
-
AGK-ja shprehet e shqetësuar për paralajmërimet se VV-ja do t’i bojkotojë disa media
-
AGK pas miratimit të ligjit për KPM-në: Qeveria goditi lirinë e medias sot
-
AGK-ja i kërkon Qeverisë të tërhiqet nga projektligji për KPM-në e VV-së të mos e votojë