Edhe Gjykata e quan të kundërligjshëm vendimin e Pal Lekajt për emërimin e Sekretarit

Gjykata Themelore në Prishtinë i ka dhënë të drejtë Këshillit të Pavarur Mbikëqyrës për Shërbyesit Civilë, i cili kishte vlerësuar se Pal Lekaj kishte emëruar kundërligjshëm për U.D. së Sekretarit të Ministrisë së Infrastrukturës, Betim Reçicën.

Kjo Gjykatë ka refuzuar kërkesën për shtyrjen e vendimit të Këshillit, kërkesë e bërë nga ministri Lekaj.

Ministria e Lekajt shkel ligjin për të mbrojtur ish-asistentin e Haradinajt

Kohavisioni kishte raportuar se si KPMSHCK-ja, pas ankesës së ish-Ushtruesit të Detyrës së Sekretarit të Përgjithshëm në MI, Nebih Shatri, e kishte shfuqizuar vendimin e ministrit Lekaj, të datës 11 nëntor të vitit të kaluar, me të cilin Betim Reçica ishte caktuar ushtrues detyre në pozitën ‘Sekretar i Përgjithshëm i Ministrisë së Infrastrukturës’.

Vendimi i Këshillit është dashur të zbatohej më 16 janar, por Lekaj ka refuzuar ta zbatojë atë.

Sipas Lekajt, çdo gjë është në rregull me Zyrën e Prokurimit në MI, kundërshton Krasniqi

Bashkë me të, ministri Lekaj ka refuzuar zbatimin edhe të dy vendimeve të tjera të Këshillit, i pari për anulimin e përzgjedhjes së zëvendësdrejtorit Financiar në ASHNA, ish-asistentit të Ramush Haradinajt, Shpëtim Selmanaj, e po ashtu edhe atë për kthimin në punë të shefit të prokurimit në këtë ministri, Nexhat Krasniqi.

Edhe Arbëri 1 gus 2019 Lekaj nuk planifikon masa ndaj zëvendësit të tij për ndërhyrje në tender

Faksimile te vendimeve, te siguruara nga KohaVisioni: 

{gallery}