Drejtoria e Inspekcionit në Komunën e Prishtinës të premten në mëngjes ka zhvilluar një aksion në Pallatin e Rinisë me qëllim të largimit të disa konstruksioneve të vendosura pa leje e që sipas organeve kompetente po rezultojnë në ndryshim të pamjes origjinale të këtij objekti.
Këtë aksion të Drejtorisë së Inspekcionit nga afër e ka vëzhguar edhe kryetari i Prishtinës, Përparim Rama. Largimi i këtyre konstruksioneve ka qenë kërkesë e vetë Ramës.
“Kemi një intervenim këtu, çlirimin e hapësirave të cilat kanë qenë të uzurpuara. Siç e dini, Pallati është i mbrojtur me ligj dhe kemi dashur ta mbrojmë nga këto gjëra që kanë ndodhur që nga pas lufta. Do të vazhdojmë me të gjitha këto, që i bëjnë dëm brendit të kryeqytetit. Po punojmë me përkushtim në ruajtjen e origjinalitetit të objekteve që shpërfaqin memorien kolektive të shumë gjeneratave e që është e domosdoshme të ruhen si trashëgimi kulturore e kryeqytetit”, ka thënë Rama. /EO
-
Dyshimet për legalizime të kundërligjshme, Rama paralajmëron masa ndaj kujtdo që rezulton se e ka shkelur ligjin
-
Komuna e Prishtinës: Do të marrim masa ndaj përgjegjësve, nëse vërtetohen dyshimet për legalizime të kundërligjshme
-
Rama: Shtëpia te Rruga A është ndërtuar pa leje dhe në pronë komunale
-
Rama: Kemi nisur lirimin e banesave komunale që janë shfrytëzuar në mënyrë të paligjshme
-
Rama: Qeveria po bllokon ndërtimin e “Ishullit Urban”, ndërsa po i jepet leje biznesit privat