Departamenti i Shtetit i ndalon hyrjen në SHBA deputetit të Kuvendit të Shqipërisë, Tom Doshi, dhe familjes së tij.
Pas ish-kryeprokuorit Adriatik Llalla, Tom Doshi bëhet zyrtari i dytë nga Shqipëria të cilit i ndalohet hyrja në Shtetet e Bashkuara për shkak të përfshirjes në raste madhore korrupsioni, njofton Zëri i Amerikës.
Në bazë të ligjeve amerikane, kur Sekretari i Shtetit ka informacione të besueshme se një zyrtar i huaj është përfshirë në raste madhore korrupsioni, ose shkelje të të drejtave të njeriut, atij dhe familjes së tij të ngushtë i ndalohet hyrja në Amerikë.
Sekretari i Shtetit mund t’ia bëjë njoftimin zyrtarit privatisht ose në publik.
Në bazë të njoftimit të sotëm, deputeti Doshi, bashkëshortja e tij Xhovana Doshi, vajza e madhe Briana Doshi, djali në moshë madhore James Doshi dhe fëmijët në moshë të mitur, nuk lejohen të hyjnë në Amerikë.
-
Ish-kryeprokurorit shqiptar Llala dhe familjes së tij i ndalohet hyrja në SHBA
-
SHBA-ja ua ndalon hyrjen Sali Berishës dhe familjarëve të tij
-
SHBA-ja ia ndalon hyrjen kryetarit të Durrësit, Vangjush Dako
-
SHBA-ja s’ka viza për 170 zyrtarë shqiptarë
-
Tillerson sqaron mohimin e vizës për Llallën, i përfshirë në korrupsion