Deda e Kusari-Lila ftojnë qytetarët t’i bashkohen angazhimit për ndryshim

Drejtues të “Alternativës”, subjektit më të ri politik në Kosovë, gjatë fundjavës, kanë prezantuar anëtarët e Këshillit inicues në Degën e Prizrenit, me ç’rast kanë theksuar se për përmbylljen e shtetndërtimit të Kosovës dhe zhvillimin e saj duhet të ketë një unitet të qytetarëve, që besojnë se ndryshimi është i mundshëm, shkruan sot Koha Ditore.

Sipas tyre angazhimi në këtë drejtim duhet të jetë i vazhdueshëm deri në arritjen e objektivave të synuara si shtet i pavarur. “Kërkesa për jetë normale të qytetarëve tanë është një betejë e vazhdueshme, të cilën mund ta fitojmë vetëm së bashku dhe për të cilën vlen të angazhohemi derisa ta mbërrijmë”, ka thënë Ilir Deda, një nga themeluesit e Alternativës, gjatë prezantimit në Kompleksin e Lidhjes së Prizrenit.

Sipas tij, ky subjekt ka nisur ecjen nga baza, duke respektuar specifikën e çdo vendbanimi të Kosovës, ashtu që të krijohet hapësira për njerëzit që e duan një Kosovë më të mirë. Deda ka vlerësuar se në këtë plan Prizreni ngec, ngase udhëhiqet nga njerëz që kanë probleme me ligjin.

e plotë lexojeni sot në Koha Ditore)