Pjetër Nrecaj, i cili vrau bashkëshorten, Valbona Marku, dhe vajzën e tij, në Brekoc të Gjakovës, është ulur në bankën e të akuzuarit.
Në Gjykatën Themelore të Gjakovës është mbajtur seanca fillestare e gjykimit ndaj Nrecajt, raporton KTV.
Prokurori ka lexuar aktakuzën e cila e ngarkon Nrecajn për veprën penale të vrasjes dhe armëmbajtjes pa leje.
Nrecaj nuk është deklaruar fare, por, në emër të tij, avokatja ka shprehur keqardhje për rastin, duke kërkuar që të negociohet arritja e një marrëveshje për pranim të fajësisë.
Me këtë kërkesë u pajtua edhe prokurori i rastit.
Kundër propozimit për arritje të një marrëveshjeje për pranimin e fajësisë është shprehur mbrojtja e palës së dëmtuar.
Edhe
Ndërpritet seanca për Pjetër Nrecaj, po gjykohet për vrasjen e gruas dhe të bijës
Gjykatësi mori vendim për shtyrje të seancës, derisa palët e përfshira të arrijnë marrëveshje dhe të dalin me propozime.
Pas kësaj, Gjykata pritet të vendosë nëse pajtohet me propozimet e palëve ose nëse rasti do të shkojë në shqyrtim kryesor.
