Uran Ismaili, ministër i Shëndetësisë nga radhët e PDK-së, ka reaguar ndaj mos votimit të sotëm të deputetëve të LDK –së në Komisionin për Buxhet e Financa për shkurtimin e buxhetit të sivjetmë, transmeton Koha.net.
Për këtë Ismaili në Facebook ka shkruar:
“Në Komisionin për Buxhet dhe Financa, LDK ka votuar sot kundër rishikimit të Buxhetit të Kosovës, duke përmendur si një nga arsyet heqjen e fondeve për sigurimet shëndetësore.
Por, është e pandershme dhe e papërgjegjshme të tejkalohet fakti se sigurimet shëndetësore nuk janë arritur ekskluzivisht për shkak të neglizhencës së ministrave të LDK-së në qeverisjen e kaluar. Po jua kujtoj se LDK ka drejtuar Ministrinë e Shëndetësisë dhe Ministrinë e Financave.
Unë garantoj se buxheti për shëndetësinë do të rritet në vitin 2018, ashtu siç ju siguroj se shërbimet shëndetësore do të përmirësohen dukshëm dhe të gjithë do të jenë dëshmitarë të një panorame krejt ndryshe të shëndetësisë kosovare”.
-
Ismaili: LDK-ja për 10 vjet shkatërroi sistemin shëndetësor, sot flet për kolaps
-
Ismaili premton sërish rritje pagash për punëtorët shëndetësorë, sulmon LDK-në
-
Për vitin 2018, premtohet rritje buxheti për Shëndetësinë
-
Ministri Ismaili mblodhi të gjithë drejtorët e klinikave për t’ua dhënë një lajm që e dinë të gjithë
-
Ismaili: Në Ministri të Shëndetësisë kemi vendosur politika që të mos vidhet