Reshjet e pandërprera të borës gjatë natës e mëngjesin e së shtunës kanë bërë që në dy komuna të ketë probleme me energjinë elektrike.
KEDS-i ka njoftuar se disa dalje janë jashtë funksionit në Gjakovë dhe Pejë e se ekipet veçse janë në terren.
“Paralajmërimet e djeshme për përkeqësim të motit përgjatë natës dhe ditës së sotme, kanë mobilizuar ekipet e KEDS-it, kryesisht në zonat më të afektuara në rajonin e Gjakovës dhe Pejës. Në rajonet e afektuara nga reshjet e borës dhe erërat e forta, disa dalje janë jashtë funksionit. KEDS ka angazhuar ekipe shtesë me qëllim të rikthimit në funksion të tyre”, thuhet në njoftimin e KEDS-it.
KEDS-i ka theksuar se po punohet intensivisht në rikthim të energjisë.
Artikuj të ngjashëm
-
Bora e erërat e forta lënë pa rrymë fshatra në Gjakovë e Pejë
-
KEDS-i thotë se si pasojë e erërave të forta janë shkaktuar dëme në rrjet elektrik
-
Probleme me rrymën në disa rajone pas reshjeve të mbrëmshme
-
Erërat e forta dëmtojnë shtyllat dhe përçuesit elektrikë, disa qytete pa rrymë
-
KEDS: Disa zona në Pejë ende pa furnizim me rrymë për shkak të kohës së keqe