Bizneset në Prizren janë ankuar për mosmbështetje nga Ekzekutivi pas dëmeve që ua ka shkaktuar pandemia.
Anëtarët e shoqatës së biznesmenëve dhe zejtarëve “Esnaf” këto ankesa i kanë shprehur para kryetarit të PDK-së, Kadri Veseli.
Ndërsa Veseli ka theksuar se partia e tij ka propozime për nxjerrjen e ekonomisë së Kosovës nga kriza, porse Qeveria duhet të ulet dhe të diskutojë me odat ekonomike dhe opozitën, raporton KOHA.
Në këtë takim u tha se çdo vonesë në këtë drejtim vetëm se e vështirëson pozitën e bizneseve dhe ekonominë vendore.
Ndërsa kreu i PDK-së ka shprehur qëndrimin se në bashkëpunim të ngushtë me odat e biznesit duhet sa më parë që të hartohet një pako gjithëpërfshirëse.
Një ditë më parë kryeministri Avdullah Hoti në Prizren pati shprehur bindjen se në seancën e radhës të Kuvendit të Kosovës do të kalojë Projektligji për rimëkëmbje ekonomike.
