Deputeti i Aleancës Bekë Berisha ka thënë se votimi i ligjit është detyrë dhe obligim i deputetëve.
Ai në një konferencë të jashtëzakonshme ka thënë se deputetët duhet të shkojnë menjëherë në seancë dhe të procedojnë me ligjin.
“Kanë mbetur edhe 11 orë deri në mesnatë, ky popull është ai që u bë bashkë me UÇK-në edhe në ditët më të vështira, edhe sot jemi të bashkuar. Deputetet duhet të vijnë menjëherë ta votojnë ligjin. Kjo është detyrë që na ka caktuar populli, kjo është detyra dhe përgjegjësia jonë”, ka thënë ai.
Deputetët e Aleancës pas kësaj konference kanë dalë, siç kanë thënë ata, t’i falënderojnë protestuesit për qëndrimin e tyre.
