Ministri i Ministrisë së Inovacionit dhe Ndërmarrësisë, Besim Beqaj, ka thënë se detyra kryesore e ministrisë që ai udhëheq është riorientimi i konceptit ekonomik të vendit. Sipas tij, në fushën e inovacioneve, gjenerata e re e kosovarëve do të jetë lidere në rajon.
Në konferencën e organizuar nga “Novus” dhe “Microsoft”, Beqaj ka folur për rëndësinë e përdorimit të teknologjisë dhe sigurinë në përdorimin e saj, duke theksuar edhe përfitimet e shoqërisë kosovare nga përdorimi i inovacionit në shërbim të zhvillimit ekonomik.
“Shoqëria kosovare po lëviz shumë më shpejt se sa ajo e vendeve tjera. Në fushën e inovacioneve gjenerata e re e jona do të jetë liderë në rajon”, tha ministri Beqaj, duke theksuar se: “Detyrë parësore e Ministrisë së Inovacionit dhe Ndërmarrësisë është riorientimi i konceptit ekonomik të vendit”.
Beqaj dhe paralajmëroi fillimin e procesit të ndarjes së granteve për OJQ-të që merren me inovacion dhe themelimin e Qendrës së Inovacionit dhe Ndërmarrësisë në Ferizaj, aktivitete këto që pritet të zhvillohen në ditët e ardhshme.
-
Riorientimi i Kosovës drejt ekonomisë digjitale
-
Synim kryesor i Ministrisë së Inovacioneve është ndryshimi i konceptit ekomomik në Kosovë
-
Beqaj thotë se e ka prioritet përkrahjen e të rinjve ndërmarrës
-
Kosova dhe Shqipëria kanë potencial për rritje ekonomike, thotë Beqaj
-
Kosova në Sofje në konferencën për inovacione