Shefi i Zyrës së Bashkimit Evropian në Kosovë, Tomas Szunyog, e ka dënuar dhunën që ka ndodhur të enjten në Kuvendin e Kosovës midis ministrave dhe deputetëve të opozitës.
Ai ka thënë se ajo çfarë ka ndodhur të enjten është zhgënjyese, teksa ka shtuar se Kuvendi nuk është vend ku mund të ushtrohet dhunë.
“Skena zhgënjyese dhune janë parë sot në Kuvend. Kuvendi nuk është vend për sulme fizike, por vend për të diskutuar propozimet dhe politikat në mënyrë demokratike. Diskursi dhe shkëmbimi i ideve janë bazat themelore të një demokracie”, ka shkruar ai në Twitter.
Përleshja fizike midis opozitës dhe Qeverisë ndodhi derisa kryeministri Albin Kurti po mbante fjalimin e tij para deputetëve.
Artikuj të ngjashëm
-
Edhe BE-ja fton politikanët të përmbahen nga tendencat për ndërhyrje në gjyqësor
-
KiE e përshkruan sulmin në Banjskë si “përleshje”, kritikohet nga Kosova dhe Britania
-
Begaj kërkon angazhim të forcave politike për stabilitet institucional në Kosovë
-
Kurti: S’po kërkojmë rrugë të shkurtra, as derë të pasme, vetëm proces meritor për integrim në BE
-
Kurti për sulmin ndaj Mehanit: Veprimet e tilla nuk na trembin, organet e rendit të veprojnë