-
Nga:
Luljeta Beselica
- 19 shkurt 2019 21:44
- Shpërndaje në:
Të revoltuar me bllokimin e rrugës Kaçanik-Hani i Elezit, banorë të fshatit Paldenicë dhe rrethinë kanë bllokuar rrugën alternative, si dhe për disa minuta edhe punën që po bëhet në autostradën “Arbën Xhaferi”.
Sipas banorëve, ky është vetëm një paralajmërim, duke shtuar se me gjithë këto punime, po u vështirësohet jetesa në këtë komunë dhe askush nuk po merr përgjegjësi për dëmtimin e rrugëve të fshatrave, raporton KTV.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoProtestuesit thonë se Qeveria është vënë në shërbim të kompanisë “Bechtel-Enka”.
Protestuesve u është bashkuar edhe kryetari i Komunës së Hanit të Elezit, Rufki Suma.
Suma ka thënë se për bllokimin e rrugës janë njoftuar nga mediat pasi, sipas tij, nuk ka komunikim ndërmjet Ministrisë së Infrastrukturës dhe kësaj komune.
Ministria e Infrastrukturës ka konfirmuar se rruga do të vazhdojë të mbyllet pjesërisht deri më 22 shkurt, shkaku i ndërtimit të urës.
Kurse, ende nuk është e qartë edhe sa kohë do të marrë ndërtim i kësaj ure, derisa zëdhënësja e kompanisë “Bechtel –Enka”, nuk ka qenë e qasshme gjatë ditës për të folur për këtë.