Tiranë, 24 qershor - Shqipëria ka marrë masat e saj ligjore e teknike për të goditur këdo që synon të bashkohet me terroristët ose që rekruton luftëtarë kundër njerëzve të pafajshëm.
Kështu theksoi prokurorja e përgjithshme e Shqipërisë, Arta Marka, në Konferencën treditore të kryetarëve të gjykatave supreme dhe prokurorëve të rajonit, që po zhvillohet në Mal të Zi.
Duke folur mbi mbrojtjen penale juridike dhe mekanizmat e luftës kundër terrorizmit dhe migracioneve të paligjshme, Marku u shpreh se “në Shqipëri, nga hetimet e deritanishme, rezulton se personat që i janë bashkuar këtyre formacioneve janë persona me nivel të ulët arsimor dhe vështirësi të mëdha ekonomike. Pra, janë njerëz, të cilët besojnë se duke u bashkuar me terrorin, mund të jetojnë më mirë”.
“Në vende të ndryshme ka arsye të ndryshme se përse individët i bashkohen grupeve të terrorit. Pavarësisht arsyeve, sapo këta individë bashkohen me terroristët, kanë një të përbashkët të frikshme, nga ai moment kthehen në vrasës potencialë”-, u shpreh Marku.
Megjithatë, vijoi ajo, vlen të theksohet e ritheksohet se këto fenomene nuk luftohen nëse shtetet nuk bashkëpunojnë me njëri tjetrin.
“Bashkëpunimi duhet të jetë shumë i gjerë dhe jo vetëm për hetimin e çështjeve. Bashkëpunimi duhet të jetë i hershëm, i vazhdueshëm, me një shkëmbim intensiv informacionesh”-, përfundoi Marku/ATSH.
-
Raporti i DASH: Shqipëria, mbështetëse e fuqishme e përpjekjeve kundër terrorizmit
-
Kërkohet të jenë obligative programet e rehabilitimit të të burgosurve për terrorizëm
-
Kurti: Kërcënimet e terrorizmit dhe agresioni në rajon janë në rritje
-
Shala: Qartazi kemi të bëjmë me vepër penale të terrorizmit
-
Haxhiu: Kërkesa për urdhërarrest ndërkombëtar për kriminelët e Masakrës së Reçakut është lajm i mirë