Kryeministri i Malit të Zi, Dritan Abazoviq mori pjesë në përurimin e objektit të shkollës së rikonstruktuar në Rozhajë, e cila është e vetmja ku mësohet në gjuhen shqipe.
Abazoviq ka theksuar se është hera e parë që një kryeministër i Malit të Zi vjen në këtë shkollë ku vijojnë mësimet 23 nxënës. Punimet ai tha se kapën vlerën e 250 mijë eurove.
“Së bashku me ministrin e Arsimit, Miomir Vojinoviç dhe ministrin e Administratës Publike, Marash Dukaj po hapim një shkollë të rikonstruktuar në Rozhajë, IP ShF Dacaj. Kemi të bëjmë me shkollën e vetme në Rozhajë që mban mësim në gjuhën shqipe. Sot është hera e parë në histori që kjo shkollë vizitohet nga kryeministri. Punimet kapin vlerën e rreth 250,000 eurove, kurse në shkollë vijojnë mësimet 23 nxënës”, ka deklaruar Abazoviq.
Në lidhje me këtë ka reaguar edhe kryeministri i Shqipërisë, Edi Rama, i cili në rrjete sociale ndau foto nga vizita që kryeministri i Malit të Zi, Dritan Abazoviq zhvilloi për përurimin e shkollës në Rozhajë.
“Nga sot, vogëlushët në Rozhajë të Malit të Zi do të marrin dije në gjuhën shqipe në shkollën e sapo përuruar nga miku im, Dritani, ma i miri i të tanëve”, ka shkruar Rama në rrjetet sociale. / KP
-
Rama bën shaka me Spajiqin: Mali i Zi më i vjetër se Greqia
-
Kurti: Për t’i përmirësuar kushtet arsimore çdo vit, e kemi rritur buxhetin
-
Abazoviqi ia dorëzon Spajiqit detyrën e kryeministrit
-
Kryetari i AAK-së: Kurti e Nagavci t’u kërkojnë falje prindërve
-
“Zero investim në shkollat shqipe”, Lutfiu: Shpejt mund të bëhet bashkimi i shkollave në Serbi