Organizata "Qatar Charity" do të ndërtojë 55 puse për familjet me gjendje të rëndë ekonomike në Komunën e Podujevës. Kjo është mundësuar pas memorandumit të bashkëpunimit që është nënshkruar nga kryetari i Komunës, Shpejtim Bulliqi dhe drejtori i përgjithshëm i kësaj organizate, Mahmouad Abbas.
Sipas njoftimit të Komunës së Podujevës gjatë takimit që është mbajtur të premten, të dy palët kanë nënshkruar memorandum bashkëpunimi edhe për grante në bujqësi.
"Gjatë takimit gjithashtu me drejtorin Abbas nënshkruam memorandum bashkëpunimi edhe për grante në fushën e bujqësisë duke përfshirë perimkulturë, mekanizëm bujqësor, bagëti dhe shoqëri bletësh. Nga ky memorandum Komuna e Podujevës do të participojë me 10% të kostos së projektit e pjesën tjetër do ta financojë organizata 'Qatar Charity”, thuhet në njoftim.
Tutje kryetari Bulliqi është zotuar për bashkëpunim të mëtejmë me organizatën dhe falënderoi ata për kontributin e vazhdueshëm në Komunën e Podujevës.
-
Podujeva nënshkruan marrëveshje me IRK-në për të ndihmuar familjet në nevojë
-
Kryetari i Podujevës flet për projektet e planifikuara për vitin 2023
-
Në Podujevë nis ndërtimi i objektit të Urgjencës, vlera 1.7 milion euro
-
25 familje në nevojë në Podujevë ndihmohen me dru dhe pajisje për ngrohje
-
Podujeva nënshkruan marrëveshje për ndërtimin e Urgjencës