Gjykata themelore e Shkupit dënoi sot me katër vjet burg Pançe Angellovin, personin që sulmoi deputeten Radmilla Sheqerinska, në ngjarjet e dhunshme të 27 prillit në parlamentin e Maqedonisë.
Pançe Angellov, siç shihet në video, e tërhoqi për flokësh ish-deputeten Sheqerinska, aktualisht ministre e Mbrojtjes, transmeton Zëri i Amerikës.
Në aktpadi thuhet se Angellovi ishte me grupin e parë të protestuesve të dhunshëm që u futën në parlament duke sulmuar fizikisht deputetët e opozitës dhe kryetarin e Lidhjes Social Demokrate, Zoran Zaev, aktualisht kryeministër i vendit.
Pançe Angellovi, i cili e pranoi akuzën dhe kërkoi ndjesë para gjykatës, tha se do ta apelojë vendimin.
Ky është dënimi i parë me burg për ngjarjet e 27 prillit.
Ndërkaq, disa persona të tjerë ndodhen në paraburgim, përfshirë dhe dy të dyshuarit për sulmin e rëndë ndaj Ziadin Selës, kryetar i Aleancës për Shqiptarët.
-
Shkup: Sulmuesi në parlament u dënua me 4 vjet burg
-
Dhunuesit e Kuvendit ende në liri
-
Për dhunë ndaj Zijadin Selës, Pavllevskit 3 vjet e Georgievskit 14 muaj burgim
-
Pesë sulmuesve të Kuvendit të Maqedonisë nga 30 ditë paraburgim, për 2 arrest shtëpiak
-
Zëdhënësi i Qeverisë dhe deputeti i VV-së dënohen me nga 18 muaj burgim