Asociacioni i Gazetarëve të Kosovës njoftoi se të hënën është sulmuar një ekip i mediumit Klan Kosova në veri të vendit.
Në njoftim u tha se ekipi u sulmua në fshatin Zupç, ndërsa gazetarja Qëndresa Bellagoshi dhe shoferi Elsad Sinani, kanë marrë trajtim mjekësor.
“Për rastin është njoftuar edhe Policia e Kosovës. Sulmet e vazhdueshme përbëjnë kërcënim serioz për sigurinë e gazetarëve dhe pengojnë raportimin për zhvillimet në veri. Andaj, AGK-ja, kërkon nga KFOR-i dhe EULEX-i që të luajnë rol shtesë për të garantuar sigurinë fizike të gazetarëve, që vazhdojnë të jenë cak i sulmeve të organizuara nga grupe personash të maskuar”, thuhet në njoftimin e AGK-së.
Kjo nuk hera e parë që ekipe mediash u sulmua nga serbët në veri të Kosovës.
© KOHA. Të gjitha të drejtat janë të rezervuara.
