Kryeministrja e Serbisë, Ana Bërnabiq, i ka reaguar QUINT-it si dhe Përfaqësuesit të Lartë të BE-së, Josep Borrell, në lidhje me barrikadat në veri.
“Duket se QUINT-i, së bashku me Josep Borrellin, thonë se barrikadat në veri të Kosovës e M. duhet larguar pasi janë ilegale. Ata njerëz në barrikada po e ngrehin zërin, dhe po e bëjnë në mënyrë paqësore. E vetmja mënyrë që të dëgjohen, fatkeqësisht, është në barrikada”, ka shkruar Bërnabiq në Twitter.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoAjo ka thënë se serbëve po u vihet veshi vetëm kur janë në barrikada.
“Po u vëni vëmendjen vetëm kur janë në barrikada. Barrikadat nuk tregojnë thjeshtë pakënaqësinë dhe dëshpërimin e tyre, dhe nuk janë aty vetëm pse po mbrojnë të drejtat themelore njerëzore që po u rrezikohen, por po mbrojnë edhe Marrëveshjen e Brukselit, që e keni nënshkruar ju dhe implementimin e të cilës duhet ta garantojë BE-ja. Barrikadat janë po ashtu thirrje për paqe dhe për veprim të komunitetit ndërkombëtar që të fillojë ta bëjë punën e vetë! Po, ndihmoni Kurtin që të heqë barrikadat dhe së bashku me të, do të hiqni të gjithë atë që ka mbetur nga autoriteti dhe kredibiliteti i juaj”, ka shkruar Bërnabiq.