Familjarja e të moshuarës që u keqtrajtua: Të mos ketë më këso rastesh

Shoqata Krimet e Luftës Gjakova 1998-99 dhe Bashkimi e femrave gjakovare janë tubuar në Gjakovë për të protestuar kundër dhunës ndaj të moshuarës së keqtrajtuar në Pejë.

Protestën e kanë nisur nga Lapidari “Shokët e Lirisë”.

Dhjetëra qytetarë, burra, gra e të rinj janë parë që i janë bashkuar protestës. Ndërkohë, janë edhe familjarët e gruas së moshuar.

Vajza e të moshuarës, Zhaneta Nura, ka thënë se shpreson për drejtësi lidhur me rastin.

“Nëna nuk më ka vetëm mua, Zhanetën, Milotin e Taulantin, sa pashë sot, nëna ju paska krejt juve”, ka thënë ajo para protestuese duke kërkuar drejtësi e vetësijësim të institucioneve që të mos ketë më raste të tilla.

Në parkun e Gjakovës janë vënë letra me fotografinë e infermieres që abuzoi.

Të mërkurën u publikua videoja nga qendra për të moshuar në Pejë, “Orenda”, ku u pa që një e moshuar po sulmohej nga një infermiere teksa në rast u përfshinë gjithsej katër.

Tri prej infermiereve iu është caktuar masa e paraburgimit prej një muaji.

Sot në Gjakovë protestohet kundër dhunës që u ushtrua nga infermieret, ndaj të moshuarës në shtëpinë e të moshuarve “Orenda” në Pejë.

Protesta do të nis në ora 12:00, tek lapidari “Shokët e lirisë”.

Ajo është organizuar nga Shoqata Krimet e Luftës Gjakova ’98-99 dhe Bashkimi i femrave gjakovare.

Tri infermiereve të dyshuara për sulmin fizik ndaj të moshuarës në shtëpinë e pleqve në Pejë, iu është caktuar masa e paraburgimit prej një muaji. Të pandehurat A.P, A.R dhe R.K, dyshohen se në bashkëkryerje kanë kryer veprën penale “sulmi”.

© KOHA. Të gjitha të drejtat janë të rezervuara.