Kuvendi i Kosovës ka miratuar të enjten, në lexim të dytë Projektrregulloren e Kuvendit, me 81 vota për, asnjë kundër dhe asnjë abstenim.
Projektrregullorja është miratuar bashkë me 47 amandamentet e propozuara nga komisioni funksional.
Projektrregullorja është miratuar ndonëse disa deputetë kanë kërkuar që të bëhet edhe një lexim i tretë.
Pas miratimit, kryetari i Kuvendit, Glauk Konjufca e ka shpallur të mbyllur seancën, duke bërë me dije se ajo do të vazhdojë të premten me disa pika të reja.
