Arbëri

Ndahen mbi 1 milion e 700 mijë euro për profesionistët shëndetësorë të angazhuar gjatë pandemisë

Qeveria e Kosovës ka njoftuar se ka miratuar vendimin për ndarjen e mjeteve për tre muaj për pagesën e obligimeve kontraktuale për 1.271 profesionistë shëndetësorë dhe staf mbështetës, të cilët ishin angazhuar në menaxhimin e situatës me COVID-19.

Këto mjete janë ndarë për periudhën 15 mars - 15 qershor 2022.

Sipas njoftimit në këtë mbledhje është miratuar kërkesa e Ministrisë së Shëndetësisë për alokimin dhe shpenzimin e mjeteve buxhetore në vlerë prej 1.768.300.93 euro.

Mospagesa e këtyre kategorive ditë më parë është paraqitur si shqetësim nga Oda e Infermierëve dhe Komisioni për Shëndetësi dhe Mirëqenie Sociale.

Ata këtë veprim të Ministrisë së Shëndetësisë e kishin konsideruar si brengosës dhe demotivuese për mjekët dhe infermierët e rinj.