Deputetja e Partisë Demokratike të Kosovës, Ganimete Musliu, ka deklaruar se përmes një letre nga presidenca, është kërcënuar nga Prindon Sadriu, bashkëshorti i presidentes Vjosa Osmani, me padi civile.
Musliu deklaroi në Kuvendin e Kosovës se Sadriu i kishte dhënë afat asaj të kërkojë falje për deklarimet në media rreth detyrave të tij.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Më ka ardhur një zarf nga presidentja, letër e pa nënshkruar nga Prindon Sadriu, përmban kërcënim për padi civile. Arsyeja ishte se unë në një prej televizioneve kam thënë se ai është ambasador me korrenspodencë. Kjo ishte çështja që e kishte shqetësuar Prindonin e Vjosës. Në letrën më kishte caktuar afate për të kërkuar falje, ku më pas do të pasonte padia civile. Tani nuk e kuptojë se kujt ia kam dëmtuar imazhin, unë u ndala dhe u mundova ta kuptojë se çfarë është puna e këtij personi”, ka deklaruar ajo.
Musliu ka ofenduar tutje Sadriun, duke thënë se “po lazdrohet, duke iu dukur vetja kushedi se çka”.
Gjithashtu, Deputetja e PDK-së, Floretë Zenjullahu, ka deklaruar se është kërcënuar nga Prindon Sadriu, bashkëshorti i presidentes Vjosa Osmani.
Zenjullahu deklaroi në Kuvendin e Kosovës se Sadriu kërcënoi atë përmes një letre, pasi kjo foli për pasurinë e familjes së tyre.