Arbëri

Kamberi flet shqip në Parlamentin e Serbisë pasi u institucionalizua fyerja ndaj shqiptarëve

Kamberi flet shqip në Parlamentin e Serbisë pasi u institucionalizua fyerja ndaj shqiptarëve
 

Deputeti shqiptar në Parlamentin e Serbisë, Shaip Kamberi, i është drejtuar deputetëve të këtij Kuvendi për herë të parë në gjuhën shqipe, vetëm një ditë pasi një gjykatë e këtij shteti legalizoi termin ofendues “šiptari”.

Të hënën, Kamberi njoftoi se Gjykata e Lartë në Beograd kishte refuzuar të shpallte fajtor ministrin Aleksandër Vulin për diskriminim, fyerje e gjuhë të urrejtjes ndaj shqiptarëve. Për këtë gjykatë s’vlente as vendimi i Gjykatës së Apelit, që më 2018 kishte sanksionuar përdorimin e këtij termi si gjuhë të urrejtjes.