Arbëri

PDK-ja mbledh qindra veta në Skenderaj në kohë pandemie

Partia Demokratike e Kosovës ka organizuar sot një tubim me qindra veta, ndonëse është kohë pandemie.

Në një postim të nënkryetarit të PDK-së, Sami Lushtaku, shihen qindra vetë në tubimin e mbajtur në Skenderaj.

Sipas Lushtakut. Ishte tubim me familjet e dëshmorëve, invalidët e veteranët e luftës së Ushtrisë Çlirimtare si dhe me, siç ka thënë ai, kryeministrin në ardhje, Enver Hoxhajn

“Me kryeministrin në ardhje, profën Enver Hoxhaj, takuam familjet e dëshmorëve, invalidët dhe veteranët e luftës së Ushtrisë Çlirimtare të Kosovës në Skenderaj. Së bashku premtuam përkujdesje të veçantë për kategoritë e dala nga lufta dhe rritje të pensioneve për këto kategori.

Mbështetja për PDK-në është masive nga kategoritë e dala nga lufta. Me këtë mobilizim kaq masiv do të dalim fitues në zgjedhjet e 14 shkurtit”, ka shkruar Lushtaku.

Deri më tash, vetëm në Komunën e Prishtinës janë gjobitur partitë politike për tubimet në kundërshtim me rregullat për parandalimin e COVID-19. Për qytetet tjera, nuk është raportuar ndonjë gjobë, prej se kanë nisur partitë të zhvillojnë tubime elektorale ende pa nisur fushata zgjedhore për zgjedhjet e 14 shkurtit.

{gallery}