1 perditesime
19:49

Thaçi dekoron Grenellin: Besojmë se me SHBA-në mund të arrijmë marrëveshje finale me Serbinë

Presidenti i Kosovës, Hashim Thaçi, ka dekoruar me Medaljen Presidenciale të Meritave, të dërguarin special të Presidentit të SHBA-së për dialogun Kosovë-Serbi, Richard Grenell.

Thaçi para dekorimit, ka thënë se po ndan këtë medalje për kontributin e jashtëzakonshëm të SHBA-së për stabilimizim e marrëdhënieve mes Kosovës dhe Serbisë.

“Jam shumë i lumtur për kontributin për marrëveshjen për stabilizim ekonomik në Shtëpinë e Bardhë. Amabsadori grenell arrit këtë sukses, atë që të tjerët nuk e arritën, amabsadori Grenell e bëri shpejt, mirë dhe saktë. Marrëveshja e Shtëpisë së Bardhë do sjellë paqe, stabiliteti ekonomik dhe jetë më të mirë për qytetarët e Kosovës dhe rajonit”, tha ai para mediave.

Thaçi falënderoi presidentin amerikan, donald Trump, për angazhimin në arritjen e marrëveshjes.

“Presim me padurim vizitën e presidentit Trump në Kosovë. Nëse kjo marrëveshje u bë e mundshme, ne besojmë fuqishëm se përsëri SHBA mund të arrijë marrëveshjen finale politike për njohje reciproke mes Kosovës dhe Serbisë”, tha ai.

18:45

Delegacioni i SHBA-së mbërrin në Kosovë, nis takimi me Hotin

Delegacioni i Shteteve të Bashkuara të Amerikës ka mbërritur në Kosovë para pak minutash, ndërsa tashmë gjendet në ndërtesën e Qeverisë së Kosovës, ku është pritur nga kryeministri Avdullah Hoti.

Pjesë e delegacionit të udhëhequr nga Kryeshefi Ekzekutiv i Korporatës Ndërkombëtare të Financave dhe Zhvillimit në SHBA, Adam Boehler, është edhe emisari i SHBA-së për dialogun Kosovë-Serbi, Richard Grenell.

Siç ka njoftuar dje Zyra e Kryeministrit, kjo vizitë bëhet në kuadër të Marrëveshjes për normalizimin ekonomik mes Kosovës dhe Serbisë.

Ndërkaq, ka nisur edhe takimi brenda ndërtesës së Qeverisë.