Familjarë të të masakruarve në Krushë kërkojnë drejtësi me protestë para Gjykatës në Prizren

Në Gjykatën Themelore në Prizren, sot pritet të jepet fjala përfundimtare ndaj të akuzuarit për krime lufte kundër popullatës civile në Krushë të Vogël, Darko Tasiq.

Familjarë të viktimave të masakrës së Krushës së Vogël dhe banorë të këtij fshati, kërkojnë drejtësi, për çka edhe janë mbledhur dhe po protestojnë para objektit Gjykatës.

Ndërkohë, prokurorja Speciale Drita Hajdari, ka thënë se Darko Tasiq duhet të shpallet fajtor.

"Konsiderojmë se në bazë të dëshmive dhe provave materiale, është vërtetuar se Darko Tasiq ka kryer veprat penale për të cilat akuzohet", ka thënë Hajdari.

Mbrojtja ka konsideruar se shqyrtimi gjyqësor është dashur të kryhet më shpejt. Tasiq ndodhet në paraburgim që nga fundi i vitit 2018.