Studentë të Fakultetit të Arteve, Fakultetit Filozofik dhe e të disa drejtimeve të Fakultetit të Mjekësisë kanë protestuar gjatë ditës së sotme para Ministrisë së Arsimit, Shkencës dhe Kulturës kundër vendimit të kësaj ministrie për ndarjen e bursave.
Ata e kanë cilësuar këtë vendim si diskriminues, pasi siç thonë, Ministri i Arsimit, Shyqyri Bytyqi, ka marrë vendim që bursa të ketë vetëm për disa fakultete të caktuara.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoNë ndërkohë, MASHT-i ka dërguar një komunikatë për media në lidhje me shqetësimet e këtyre studentëve.
Në komunikatë, përveç që Ministria thotë se Fakulteti i Edukimit dhe ai i Arteve nuk konsiderohen më si deficitare, organizatat studentore që po protestojnë i ka quajtur “manipuluese”, raporton Koha.net.
“Me këtë rast, Ministria e Arsimit kërkon nga organizatat të cilat përfaqësojnë studentët, që të mos manipulojnë studentët në lidhje me këtë çështje”, ka thënë MASHT-i në këtë komunikatë.
MASHT-i ndërkaq ka thënë se ka planifikuar që edhe këtë vit bursat që do t'iu ndahen studentëve të kenë shumën e njëjtë siç janë ndarë edhe vitin e kaluar (880 euro).
Ministria thotë se mbështetja e studentëve me bursa ka për qëllim përkrahjen e kuadrove deficitare, prandaj thotë se janë zgjedhur për mbështetje financiare vetëm fakultetet të cilat përgatisin kuadro deficitare.
“Fakulteti i Edukimit dhe ai i Arteve nuk konsiderohen më si deficitare, prandaj studentët e këtyre fakulteteve nuk do të mbështeten financiarisht nga MASHT”, thotë ministria, raporton Koha.net.
Këtë vit, MASHT-i thotë të ketë ulur kriterin e notës mesatare për studentët e Fakultetit Teknik, sepse “përveç që ky fakultet përgatit kuadro që në tregun e punës ka mungesë të theksuar, disa drejtime rrezikojnë të mbyllen për mungesë interesimi për të studiuar në to”.