Policia e Kosovës ka arrestuar dy serbë nën dyshimet për spiunim.
Lajmin e ka konfirmuar për Radion Evropa e Lirë, zëdhënësi i Policisë së Kosovës, Daut Hoxha.
Arrestimi i të dyshuarve është bërë të mërkurën, në pikën kufitare te Dheu i Bardhë, në rrugën Gjilan - Bujanovc.
“Arrestimi është bërë gjatë kontrollit të një automjeti e tipit Ford Galaxy, të cilin e drejtonte personi i dyshuar mashkull/serb (i lindur në vitin 1959) dhe së bashku me të, si pasagjer ndodhej edhe personi tjetër, po ashtu i dyshuar, mashkull/serb ( i lindur ne vitin 1978)”, thuhet në deklaratën e zëdhënësit Hoxha.
Ai më tutje shpjegon se pas vlerësimit të informacioneve dhe dokumenteve të gjetura tek personat e dyshuar, është njoftuar prokurori i shtetit dhe “pas konsultimeve të nevojshme dy të dyshuarit janë arrestuar dhe ndaj tyre është inicuar rasti si “spiunazh” konform Kodit Penal të Republikës së Kosovës”
Edhe
Janë liruar dy serbët e arrestuar te Dheu i Bardhë të dyshuar për spiunazh
Me vendim të prokurorit, dy të dyshuarit janë dërguar në mbajtje.
Policia nuk ka dhënë më shumë detaje për rastin.
-
Ndalohen dy serbë në kufirin “Dheu i Bardhë” për kontrabandim me emigrantë
-
Një personi i zihen dokumente të Serbisë që po i sillte në Kosovë për disa të tjerë
-
Dy serbëve në Jarinje iu zihen dokumente false, intervistohen nga policia
-
Kaloi kufirin ilegalisht nga Serbia, shtetasit të huaj i konfiskohet vetura