Gucia refuzon kërkesën e Kishës Serbe për ndërtim të kishës në fshatin Martinaj

Kishës Ortodokse Serbe, që vepron në Mal të Zi, i është refuzuar kërkesa për ndërtim dhe për sigurim të asistencës policore në fshatin Martinaj të Gucisë.

Kohë më parë përfaqësuesit e Kishës Ortodokse Serbe kanë bërë kërkesë pranë organeve përkatëse të urbanizmit në komunë të Gucisë për dhënien e lejës së ndërtimit të kishës ortodokse në fshatin Martinaj të Plavë-Gucisë, një fshat plotësisht i populluar nga shqiptarë.

Kjo kërkesë është refuzuar falë kundërshtimit kategorik për dhënien e kësaj leje nga përfaqësuesit shqiptarë pranë organeve kompetente të komunës së Gucisë

Po ashtu pranë organeve të Punëve të Brendshme në Plavë është bërë një kërkesë nga përfaqësuesit e Kishës Ortodokse Serbe që me datën 1 maj t'u jepet asistencë policore gjatë mbajtjes së liturgjisë fetare që kisha serbe planifikon të mbajë në këtë fshat.

Nga burimet e besueshme të faqes “Plava e Gucia Sot” nga vendlindja njoftohemi se deri më tash kjo kërkesë nuk është aprovuar nga policia e Plavës.

Ortodokse Serbe përveç liturgjisë ka tendenca që ta rindërtojë aty një kishë, ndonëse në këtë fshat nuk ka pasur asnjëherë, e as tash serbë, as besimtarë ortodoksë. Prandaj tendenca e kësaj kishe vlerësohet provokim në baza nacionale e fetare.

Edhe Arbëri 3 qer 2019 Kisha ortodokse serbe në Mal të Zi synon të ngre kishë në fshatin pa asnjë sllav në Martinaj të Gucisë

Objekti i kishës serbe në fshatin Martinaj të Plavë-Gucisë kishte filluar të ndërtohet dhunshëm në pronë të një shqiptari, gjegjësisht të familjes Prelvukaj në vitet e 30-ta të shekullit të kaluar, por nuk është përfunduar kurrë, meqë ishte shembur nga banoret e fshatit ende pa u përfunduar.

Në vendin ku gjenden mbetjet e themeleve të kësaj kishe të paqenë, kleri ortodoks ultranacionlist serb viteve të fundit provokon banoret e Martinajve dhe të Plavë-Gucisë duke mbajtur qëllimisht liturgji dhe duke ndërmarrë veprime të tjera provokuese në një mjedis etnikisht të pastër shqiptar, siç është fshati Martinaj./Plava e Gucia Sot