119 raste me tumor deri tash më 2018 në Pejë

Në Spitalin e Përgjithshëm në Pejë në katër muajt e parë të këtij viti ka pasur 119 raste me tumor dhe prej tyre 59 femra dhe 60 meshkuj.

Statistikat tregojnë se sa i përket moshës prej 18-34 vjeç janë 10 raste, prej moshës 35 deri 44 vjeçar janë 27 raste, 45-55 vjeç janë 28 raste, 55-64 vjeç janë 19 raste ndërsa mbi 65 vjeç 38 raste. Nën moshën 18 vjeç rastet janë në numër të pakët.

Numri i të shtrirëve gjatë muajit prill ishte 1314 pacientë dhe nga ta 633 ishin nga Peja, 191 nga Istogu, 166 nga Klina, 113 nga Komunat Deçan dhe Junik dhe të tjerë nga komunat tjera të Kosovës, transmeton KP.

Gjatë muajit prill 2018 janë kryer 308 operime ndërsa mesatarja e operimeve të kryera për një ditë është 10.2 operime.

Ndërsa numri i të lindurve në Spitalin e Përgjithshëm në Pejë në mars ka qenë 159. Mesatarja e lindjeve në vitin 2018 është 3.7 që është më e vogël se vitin e kaluar kur kishte 5.4 lindje mesatarisht në ditë.

Gjatë muajit prill numri i atyre që kanë bërë analiza laboratorike ka qenë 1,576 persona.