Lidhja Demokratike e Kosovës po pret që rezultati në kryeqytet të kthehet në favor të kandidatit të tyre, Arban Abrashit.
Kjo parti i ka kërkuar Panelit për Ankesa dhe Parashtresa rinumërimin e të gjitha votave për komunën e Prishtinës, raporton KTV.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoIsmet Beqiri, Sekretar i Përgjithshëm i LDK-s, ka kërkuar edhe hetimin e transportit të organizuar për votuesit nga Lëvizja Vetëvendosje, pasi sipas tyre, ka elemente të veprës penale.
Megjithatë, në Vetëvendosje, janë të bindur se rinumërimi nuk do të ndryshonte emrin e fituesit, kandidatit të tyre Shpend Ahmeti.
Derisa lidhur me organizimin e transportit, kreu i VV-së, Visar Ymeri e ka quajtur një proces normal, e si shembull ka përmendur edhe shtetin e Kanadasë, respektivisht fushatën e kryeministrit Justin Trudeau.
Dallimi në vota ndërmjet Shpend Ahmetit të Vetëvendosjes e Arban Abrashit të Lidhjes Demokratike aktualisht është në vetëm 237 vota, por që ende nuk janë numëruar votat me kusht e ato të ardhura me postë.