Kryetari i Vushtrrisë, Ferit Idrizi, njëherësh kandidat i PDK-së edhe për një mandat, ka thënë se është kërcënuar nga kundërkandidati i tij në balotazh, Sylejman Meholli i Lëvizjes Vetëvendosje.
Rastin e ka konfirmuar edhe Policia e Kosovës.
“Sot rreth orës 17:30 është pranuar informata për një kanosje në rrugën ‘Xhorxh Bush’ në Prishtinë. Me të marrë informatën policia, ka arritur në vendin e ngjarjes. Aktualisht policia po vazhdon punën për zbardhjen e rrethanave dhe motiveve që karakterizojnë ngjarjen”, thuhet në përgjigjen e Policisë.
Sipas Idrizit rasti ka ndodhur pas një debati që e kanë zhvilluar me Mehollin në Kallxo.com.
Ai ka thënë se këtë ka dhënë dëshmi në stacionin e Policisë në Prishtinë.
“Bashkë me dëshmitarët tjerë, sapo kemi dhënë dëshminë në stacionin e policisë në Prishtinë. Rasti është në trajtim nga institucionet përkatëse. E dënoj këtë akt dhe ju kërkoj ndjesë për shqetësimin. Gara për Vushtrrinë duhet të mbetet garë idesh dhe projektesh, jo kërcënimesh”, ka shkruar Idrizi.
Por, kandidati nga LVV-ja, Sylejman Meholli ka mohuar që e ka kërcënuar Idrizin. Përmes një postimi në Facebook, Meholli e quajti shpifje dhe për këtë paralajmëroi padi.
-
Përfundon numërimi në Vushtrri, Idrizi edhe një mandat në krye
-
Meholli: 16 milionë euro të Vushtrrisë kanë përfunduar në xhirollogaritë e Skenderajt
-
Meholli: Qyteti i Afrim Bunjakut e Enver Zymerit nuk meriton kryetar që bashkëpunon me Listën Serbe
-
Sonte në “Interaktiv”, kandidati i VV-së për kryetar të Vushtrrisë
-
LDK-ja në Vushtrri lidh koalicion me LVV-në, qendra e qorton