14 persona u intervistuan lidhur me dallaveret me vota në Gjilan

14 persona janë intervistuar nga Policia në Gjilan nën dyshimin për falsifikim të rezultateve nga zgjedhjet e 28 dhjetorit. 

Pas intervistimit, të gjithë personat janë liruar në procedurë të rregullt. 

“Janë intervistuar 14 persona dhe varësisht nga të gjeturat, Policia Rajonale e Hetimeve me koordinim të ngushtë me Prokurorinë e Shtetit do të vazhdojë edhe intervistimin e personave të tjerë. Të gjithë personat e intervistuar me vendim të prokurorit janë liruar në procedurë të rregullt”, ka thënë Ismet Hashani, zëdhënës i Policisë në Gjilan. 

Të martën, 19 kryekomisionerë u ndaluan për 48 orë mbi dyshimet për dallavere me vota në Suharekë, nga 72 të dyshuar që u intervistuan.

Për manipulimet me vota ka pasur aksione e të arrestuar edhe në komuna të tjera.