Një ngjarje e rrallë, që ka ndodhur diku në Kosovë, është kapur nga kamera e autorit të emisionit “Wildlife” në KTV, Arian Mavriqi.
Ai ka incizuar me dron momentin kur një çafkë e hirtë e nxjerr nga barku (vjell) një peshk që duket me madhësi thuajse sa vetë çafka.
Mavriqi për ngjarjen e rrallë ka thënë se kjo është pjesë e zinxhirit jetësor.
“Nëse e sheh që tretja mund t’i shkaktojë probleme me fluturim, atëherë e kthen, do të thotë e vjell. Por ky proces u ndihmon edhe kafshëve të tjera. Në këtë rast atë peshk e hanë macet ose dhelprat. Do të thotë ky është zinxhiri jetësor”, ka thënë Mavriqi për Koha.net.
