E kaluara përfaqëson një tragjedi, përsëritja e së cilës duhet të shmanget absolutisht

Populli i Kosovës dëshiron paqe dhe qetësi. KFOR-i është plotësisht i përkushtuar me një sens të përbashkët qëllimi për të përmbushur misionin e vet, me një vizion të vetëm, sado i vështirë të jetë. Por unë dua të jem shumë i qartë për këtë: rezultatet e arritura deri tani janë shumë të vlefshme për t'u vënë në pikëpyetje, dhe çdo përpjekje për t'i minuar ato do të jetë e papranueshme për KFOR-in. Ato nuk janë asete të negociueshme

Jam mësuar ta them se ata që marrin përgjegjësinë për një post kaq të rëndësishëm, siç është COMKFOR-i, kanë pak gjëra për të thënë, sepse kanë veprime thelbësore për të kryer për t’i përmbushur detyrat e tyre.

NATO-ja ka qenë e përkushtuar për paqen dhe stabilitetin në rajonin e Ballkanit Perëndimor për dekada me radhë. Misioni ynë i KFOR-it është demonstrimi më i prekshëm i këtij angazhimi.

Rezultatet e arritura deri më sot tregojnë përkushtimin e bashkësisë ndërkombëtare, veçanërisht të pranisë ushtarake ndërkombëtare, për të garantuar paqen dhe sigurinë në Kosovë.

Si përfaqësues të NATO-s dhe Komunitetit Ndërkombëtar, trupat e KFOR-it në Kosovë ende janë duke zbatuar vendosmërinë e tyre për të dhënë kontributin për të siguruar përparim, stabilitet afatgjatë dhe një të ardhme të lulëzuar.

Dialogu Beograd-Prishtinë, i lehtësuar nga BE-ja, është platforma kryesore për të gjetur një zgjidhje që respekton të drejtat e të gjitha komuniteteve dhe për të ndërtuar paqe të qëndrueshme.

Edhe OpEd 3 jan 2026 Së bashku më të fortë për paqe

Për këtë arsye, sekretari i përgjithshëm i NATO-s u kërkon palëve të përmbahen nga veprimet e njëanshme apo nga retorika akuzuese dhe të angazhohen në mirëbesim për të arritur një zgjidhje të qëndrueshme politike.

Normalizimi i marrëdhënieve ndërmjet Kosovës dhe Serbisë është kyç për stabilitet të qëndrueshëm.

Misioni i KFOR-it përshtatet në këtë kontekst gjeopolitik.

KFOR-i është një histori suksesi, dhe ky sukses është rezultat i përkushtimit të të gjithë atyre që, politikisht dhe në terren, kanë kontribuar për stabilitetin, sigurinë dhe lirinë e lëvizjes për të mirën e të gjitha komuniteteve që jetojnë në Kosovë dhe që kanë mbështetur zhvillimin e një dialogu konstruktiv ndërmjet palëve. Ky angazhim nuk duhet harruar për të ndërtuar një të ardhme më të mirë.

Unë zotohem të vlerësoj trashëgiminë e tyre dhe të përfitoj nga arritjet e tyre për arritjen e synimeve që kanë vendosur autoritetet tona.

KFOR-i e kryen misionin e tij duke punuar në bashkëpunim të ngushtë me një sërë aktorësh, duke përfshirë Kombet e Bashkuara, Misionin e Bashkimit Evropian për Sundimin e Ligjit (EULEX), Organizatat e Sigurisë në Kosovë dhe Forcat e Armatosura të Serbisë.

Transparenca, neutraliteti, paanshmëria dhe lufta kundër dezinformatave, si dhe propagandës janë kushte thelbësore për të garantuar besueshmërinë, për të nxitur besimin e ndërsjellë midis palëve dhe për të promovuar dialogun si kusht themelor për të ndërtuar një të ardhme më të ndritur në të gjithë rajonin.

Populli i Kosovës dëshiron paqe dhe qetësi, dhe KFOR-i është plotësisht i përkushtuar me një sens të përbashkët qëllimi për të përmbushur misionin e vet, me një vizion të vetëm, sado i vështirë të jetë.

Por unë dua të jem shumë i qartë për këtë: rezultatet e arritura deri më tani janë shumë të vlefshme për t'u vënë në pikëpyetje dhe çdo përpjekje për t'i minuar ato do të jetë e papranueshme për KFOR-in. Ato nuk janë asete të negociueshme.

Misioni ynë i KFOR-it po monitoron nga afër situatën dhe është i përgatitur të ndërhyjë nëse rrezikohet stabiliteti, në përputhje me mandatin e tij të OKB-së. KFOR-i vazhdon të luajë një rol themelor – dhe neutral – në garantimin e sigurisë në mbarë Kosovën dhe kontributin për stabilitet në të gjithë rajonin e Ballkanit Perëndimor.

Edhe OpEd 3 jan 2025 Forcimi i unitetit për një të ardhme paqësore

Dua të jap kontributin tim, ashtu siç bënë paraardhësit e mi, që duke përmbushur detyrat e mia të kontribuoj me gjithë KFOR-in për t'u ofruar të gjithë njerëzve që jetojnë në Kosovë një të ardhme më të mirë.

Populli i Kosovës, veçanërisht brezi i ri, është e ardhmja. Të jesh e ardhmja do të thotë që nesër mund të korrësh vetëm atë që ke mbjellë. Gjithçka që bëni sot, përvojat që po kaloni, janë ato që do të përcaktojnë se çfarë do të jeni nesër, dhe vetëm duke menduar për atë që jeni sot dhe çfarë dëshironi të jeni nesër mund të garantoni një të ardhme më të mirë për të gjithë njerëzit.

Shndërrimi i sfidave në mundësi me transparencë, paanshmëri, vendosmëri dhe qëndrueshmëri është gjëja kryesore për një të ardhme më të mirë.

Motoja e 27-të e Forcës së Kosovës XXVII: “Formësimi i së tashmes për një të ardhme më të mirë”, u konceptua si një kujtesë e lidhjeve të krijuara në veprim që ekziston midis NATO-s dhe gjithë popullit të Kosovës, dhe gjithashtu një njohje e përpjekjeve të vazhdueshme nga një numër i gjerë kombesh, duke përfshirë aleatët dhe partnerët e NATO-s, të cilët marrin pjesë në këtë mision.

Duke krijuar një mjedis të sigurt me liri të lëvizjes për të gjithë njerëzit e Kosovës sipas Rezolutës 1244 të Këshillit të Sigurimit të Kombeve të Bashkuara të vitit 1999, KFOR-i vazhdon të krijojë kushtet për një të ardhme më të mirë për ata që jetojnë në Kosovë.

Motoja synon gjithashtu të ripohojë se në këtë përpjekje, NATO-ja nuk është vetëm: organizata të tjera ndërkombëtare dhe vende të tjera të rajonit zotohen për vendosmërinë e tyre drejt përparimit, stabilitetit afatgjatë dhe një të ardhmeje të lulëzuar.

Në këtë frymë, motoja është një dëshmi e vizionit të përbashkët, përpjekjes së përbashkët dhe qëllimit të përbashkët, duke ofruar perspektiva më të mira për të mirën e brezave të ardhshëm. Kur ka një sens të përbashkët qëllimi, ne çajmë përpara si një me një vizion të vetëm. Nuk ka rëndësi se sa e vështirë mund të jetë formimi i së tashmes, as me sa sfida mund të përballemi. Ajo që është e rëndësishme është e ardhmja e begatë që meriton ky rajon.

Motoja njeh atë që na bashkon në përpjekjet tona të përbashkëta. Gjithashtu pasqyron punën e palodhur dhe udhëheqjen e komandantëve të NATO-s, të cilët kanë pasuar njëri-tjetrin në KFOR gjatë gjithë viteve. Nëpërmjet tyre na kujtohet qëllimi që ka udhëhequr breza të tërë ushtarësh dhe civilësh në njëzet e tre vjetët e fundit.

Ne jemi të përkushtuar për mbrojtjen e së tashmes, për formësimin e së ardhmes dhe për të siguruar që Kosova të jetë një vend i sigurt, me përparim të vazhdueshëm drejt një të ardhmeje të lulëzuar për gjeneratat e ardhshme.

Edhe OpEd 6 dhj 2024 Nga KFOR-i te FSK-ja: Një tranzicion që kërkon kujdes

Sakrifica e të rënëve dhe të plagosurve tanë, jetët e civilëve të pafajshëm pavarësisht nga origjina e tyre, përkatësia etnike apo besimi fetar, të vrarë apo të martirizuar nga një konflikt që nuk duhet të përsëritet, kërkojnë angazhimin tonë për të formësuar të tashmen për një të ardhme më të mirë, pa harruar se e kaluara përfaqëson një tragjedi, përsëritja e së cilës duhet të shmanget absolutisht.

Autori është komandant i KFOR-it