-
Nga:
Arsim Maxhera
- 28 korrik 2021 16:45
- Shpërndaje në:
Ndonëse ishte i treti në grupin A, pra grupin më të fortë, Briken Calja dështoi të fitoi medalje për Shqipërinë në Lojërat Olimpike “Tokio 2020”. Calja ka garuar të mërkurën mbrëma në peshëngritje, në kategorinë deri 73 kilogramë. Ai ka ngritur gjithsej 341 kilogramë. Për një kilogram ka mbetur pa medalje.
Medaljen e bronztë e ka fituar Rahmat Erëin Abdullah i Indonezisë që ka garuar në grupin B, paradite. Ai kishte rezultat të përgjithshëm prej 342 kilogramë. Kampion u shpall kinezi Shi Zhiyong që ka shkëlqyer. Ai fillimisht vendosi rekord olimpik në njërin stil. Më pas me 364 kilogramë, vendosi rekord botëror dhe olimpik në total. I dyti ishte Julio Mayra i Venezuelës me 346 kilogramë.
Calja është gëzuar shumë kur në tentimin e fundit ngriti 190 kilogramë. Por festa doli të jetë pak e hershme. Ai megjithatë mbeti pa medalje. Shqipëria është në pritje të medaljes së parë.
-
Edhe një medalje e artë për Shqipërinë
-
Pas suksesit historik për Shqipërinë, peshëngritësi Calja premton gjëra të tjera të mëdha
-
Peshëngritësi Calja, kampion bote në njërin stil, titulli i madh i ikën për një kilogram
-
Peshëngritësi Calja kampion bote në njërin stil, i argjendtë në dygarësh
-
Vazhdon pritja e Shqipërisë për medaljen e parë, vendi i katërt i Caljës vlerësohet historik