Podvorica: Ishte e nevojshme vendosja e tarifave të sakta të përmbaruesve

Feride Podvorica udhëheqëse e divizionit për mbikëqyrjen e zbatimit të legjislacionit në Ministrinë e Drejtësisë, ka thënë se ka pasur ankesa për tarifat e përmbaruesit dhe ka qenë e nevojshme vendosja e tarifave të sakta.

“Në praktikë, janë identifikuar probleme jo të pakta për sa i takon zbatimit të udhëzimit administrativ për tarifat, sistemi vazhdimisht është kritikuar për një gjenerim të tarifave më shumë se sa në ofrimin e shërbimeve efikase nga ana e përmbaruesve, pastaj ka pasur ankesa dhe kritika të shumta edhe për lartësinë e tarifave që ishin ekzistuese para hyrjes në fuqi të udhëzimit të ri administrativ dhe Ministria e Drejtësisë në bazë të kërkesave ligjore, do të thotë në zbatim të ligjit, ndryshim-plotësimin e ligjit për procedurën përmbarimore ka filluar edhe procesin e hartimit të udhëzimit të ri administrativ për tarifat”, ka thënë Podvorica në emisionin “Tempus” të KTV-së.

Sipas saj, Ministria e Drejtësisë ka filluar procesin e rishikimit të tarifave me qëllim që ato të jenë transparente dhe të qarta.

Ajo ka thënë se nisjen e rishikimit e kanë bërë edhe shkak të ankesave të vetë përmbaruesve.